Detajet për vrasjen e mbrëmshme në Pejë

Ilustrim

Policia e Kosovës njofton se mbrëmë ka gjetur një person të vdekur në rrugën “Qerim Muriqi” në Pejë.

Policia nuk ka dhënë detaje të tjera, por thotë se po vazhdojnë hetimet për të sqaruar rrethanat e kësaj vrasjeje.

“Më 16 shtator 2018, rreth orës 21:20, Policia e Kosovës është njoftuar se në rrugën “Qerim Muriqi” në Pejë është një person pa shenja jete. Policia i është përgjigjur menjëherë vendit të ngjarjes dhe me të arritur është hasur në viktimën V. S. (1989), i cili ishte pa shenja jete. Vdekjen e viktimës në vend të ngjarjes e ka konstatuar ekipi mjekësor”, thuhet në njoftim, përcjell albinfo.ch.

Me urdhër të prokurorit të shtetit, viktima është dërguar në Institutin e Mjekësisë Ligjore për obduksion.