Dhjetë gjërat që mund të ndodhin pas dënimit dyvjeçar të Manchester Cityt nga garat evropiane

Manchester City është suspenduar për dy vite nga garat evropiane, pasi kanë shkelur rregullin financiar dhe nuk do ta marrin pjesë në Ligën e Kampionëve ose Ligën e Evropës për sezonin 2020/21 dhe 2021/22.

Natyrisht se ky ndëshkim për Citizens është i rëndë, derisa kanë paralajmëruar se atë vendim do ta apelojnë në Gjykatën e Arbitrazhit të Futbollit (CIES).

Givemesport ka përpiluar një listë me dhjetë gjërat që mund të ndodhin nga ky ndëshkim dyvjeçar i Manchester Cityt nga FIFA:

Manchester City. (Foto: Alex Livesey/Getty Images)

1= Eliminimi nga Liga e Kampionëve prej Real Madridit
Manchester City dhe Los Blancos do të përballen në kuadër të fazës së eliminimit direkt qysh në javën e ardhshme, e që aktualisht ata janë në gjendje të turbullt shkaku i lëndimit dhe mund të eliminohen lehtësisht nga madrilenët, e që do të ishin ndeshjet e fundit të tyre për dy vitet e ardhshme.

TOPSHOT-FBL-EUR-C1-LIVERPOOL-REAL MADRID

2= Leroy Sane largohet në këtë verë nga Etihad Stadium
Anësori gjerman ka kohë që po kërkohet nga Bayern Munichu dhe do të jetë një shans i mirë për të që të transferohet te Bavarezët në verën e këtij viti.

FBL-JPN-MAN-CITY-YOKOHAMA

3= Pep Guardiola pritet të largohet nga Manchester City në vitin 2021
Të gjithë mendojnë se trajneri spanjoll do të largohet nga Citizens me të përfunduar ky sezon, mirëpo ish-trajneri i Barcelonës njihet si një njeri besnik dhe do të përfundojë kontratën me ‘Qytetarët’.

4= Edhe Sergio Aguero pritet të largohet në këtë verë
Sulmuesi argjentinas duket se po e luan sezonin e tij të fundit te City, e që suspendimi i këtyre të fundit ka bërë që gjërat të shpejtohen dhe mund të ndodhë largimi i tij.

5= Jose Mourinho shpreson që me Tottenham Hotspurin të futet në top katërshe
Suspendimi dyvjeçar i Manchester Cityt ka bërë që skuadrat poshtë tyre të shpresojnë të futen në Ligën e Kampionëve. Një gjë të tillë po e bën edhe Tottenhami që aktualisht është në pozitën e gjashtë.

6= Sheffield United shpreson të kualifikohet në Ligën e Evropës.
Sheffieldi aktualisht është në pozitën e pestë, dy pikë mbrapa Chelseat, e që shpreson që të mbajë atë pozitë që së paku të luajë në garën e dytë më të rëndësishme në Evropë.

7= Evertoni dëshiron të kualifikohet në Ligën e Evropës
Suspendimi i Manchester Cityt ka bërë që Evertoni të shpresojë që së paku të kualifikohet në Ligën e Evropës për sezonin e ardhshëm.

8= Një luftë e madhe ofertash nga gjigantët evropian për Kevin de Bruyne
Kevin de Bruyne pritet që të vërshohet nga ofertat e gjigantëve evropian, pas dënimit të Citizens për dy vitet e ardhshme. Real Madridi, Barcelona, Chelsea, Liverpool e Juventus, pritet të jenë në mesin e skuadrave të interesuar për belgun.

9= Liverpooli sërish do të fitojë Ligën Premier (2020/21)
Liverpooi po e fiton titullin e parë të ligës angleze pas më shumë se 30 vitesh, mirëpo një sukses po ashtu të madh pritet të përsëris edhe në sezonin e ardhshëm shkaku i dënimit të Cityt dhe vështirë se ndonjë skuadër mund t’i rivalizojë.

10= Lojtarët e tjerë më të rëndësishëm prite të kenë dilema të mëdha
Ederson, Raheem Sterling, Phil Foden, Aymeric Laporte, Rodri, Bernardo Silca, David Silva, e disa të tjerë mund të kërkojnë largimin nga klubi, shkakun i dënimit dyvjeçar dhe dëshirës së madhe për të fituar trofe.

---