Dhuna kundër fëmijës i ndryshon gjenet e tij

Disa çrregullime psikike janë rezultat i një mutacioni gjenetik, i shkaktuar nga dhuna e zhvilluar kundër fëmijëve, pohon një studim.

Kur bëhesh një herë viktimë, je gjithmonë viktimë, vërteton shkencërisht hulumtimi i kryer në Fakultetin e Mjekësisë (Universiteti i Gjenevës) dhe në Spitalin universitar të qytetit. Ky studim tregon se faktorët gjenetikë dhe mjedisorë mund të zhvillojnë disa çrregullime të caktuara të sjelljes.

Menaxhimi i stresit shpërqendrohet

Kur një person është viktimë e dhunës gjatë fëmijërisë, ai ndryshon rregulloren e gjeneve të tij. Dhe ky ndryshim ndikon në shpërqendrimin e menaxhimit të stresit te një person i rritur. Gjë që mund të provokojë zhvillimin e një psikopatologjie.

“Është një fakt i trishtuar kur konstatojmë se shumica e viktimave të dhunës gjatë fëmijërisë janë femra (90%), ato vazhdojnë të vuajnë nga çrregullimet psikike dhe nga dhuna edhe në moshën e rritur, thotë profesori Alain Malafosse, shef i hulumtimit të Universitetit të Gjenevës. Këto psiko-patologji karakterizohen nga pamundësia që të ketë lidhje të qëndrueshme dhe të shëndosha me të tjerët. Dhe ky viktimizim mund të trashëgohet fatkeqësisht brez pas brezi.

“Rrahja e një fëmije pengon menaxhimin e jetës së tij emocionale dhe e çon në një përçarje të jetës së tij të brendshme. Duke u rritur, kjo do të shkaktojë tek ai ankth dhe acarim të brendshëm. Dhe, kjo dukuri shpërqendron dhe turbullon sjelljet e tij”, tregon Olivier Bonard, psikiatër në Lozanë.

* Studim i publikuar në revistën «Translational Psychiatry».