Nga e diela deri të mërkurën, temperatura përvëluese në Shqipëri

Një tjetër valë e të nxehtit afrikan përfshin Shqipërinë. Ndonëse vendi ynë ndodhet në periferi të saj, pasi në epiqendër është pellgu i Mesdheut, meteorologët parashikojnë rritje të vlerave të termometrit me tri gradë celcius.

Temperaturat e larta pritet të arrijnë kulmin të hënën dhe të na shoqërojnë deri në mesjavën e ardhshme.

Nëse nuk merrni masa, i nxehti, sipas mjekëve, mund t’iu shkaktojë nga lodhje të pazakontë, dhimbje koke, të përziera, konfuzion mendor e deri tromboze apo ishemi cerebrale te personat që vuajnë nga probleme të zemrës apo të tensionit.  Apeli i tyre është për kujdes të shtuar gjatë këtyre ditëve.

Tek më të vegjlit temperaturat e larta, thonë mjekët, janë bërë shkak për shfaqjen e një viroze të pazakontë për stinën.

I nxehti afrikan parashikohet të largohet nga vendi të mërkurën, kur në zonat malore parashikohet të kthehen reshjet e shiut.

Pjesa e dytë e gushtit, sipas meteorologëve, pritet të kthejë termometrin në vlerat normale të muajit në të gjithë territorin shqiptar, raporton ABC News, përcjell Albinfo.ch.