Dilema për kapitenin e Zvicrës

Një ndarje përafërsisht e barabartë, ku 47% e votuesve kanë menduar se lojtarët nuk do ta kryejnë më këtë gjest dhe 53% mendojnë se “shqiponja” do të përsëritet si pasojë e emocioneve të lojtarëve

Te Përfaqësuesja e Zvicra është qetësuar paksa situata pasi Granit Xhaka, Xherdan Shaqiri dhe Stephan Lichtsteiner kërkuan falje, pasi bënë festuan me shqiponje në Rusi. Ata festuan pas golit të Shaqirit, i cili shënoi në minutën e 90-të ndaj Serbisë.

Futbollistët u shprehën se nuk do ta bëjnë më këtë veprim dhe se tani i përket së shkuarës.

Por, “Blick” ka bërë një sondazh ku ndjekësit e faqes pyeten nëse fjalët e lojtarëve do të jenë të vërteta dhe nuk do ta kryejnë më, përcjell albinfo.ch.

Megjithatë, duket se edhe në Zvicër janë të ndarë në këtë qëndrim. Një ndarje përafërsisht e barabartë, ku 47% e votuesve kanë menduar se lojtarët nuk do ta kryejnë më këtë gjest dhe 53% mendojnë se “shqiponja” do të përsëritet si pasojë e emocioneve të lojtarëve.

Veprimi i Xhakës nuk ka kaluar pa pasoja, sepse ai ishte kandidat për shiritin e kapitenit, por trajner Vladimir Petkoviq theksoi se ai mbetet në vendin e dytë, ku pritet që kapiten të jetë portieri Yann Sommer.

Mesfushori shqiptar është kritikuar shumë kohët e fundit në Zvicër, pasi bëri shqiponjën, por edhe që nuk e këndon himnin e Zvicrës.

---