Disa të plagosur pas përplasjes së mbështetësve dhe kundërshtarëve të Vuçiqit në Serbi

Në Novi Sad shpërthyen përplasje të dhunshme midis protestuesve anti-qeveritarë dhe mbështetësve të presidentit serb Aleksandar Vuçiq për të dytën ditë radhazi. Mbështetësit e Vuçiqit hodhën flakadanë ndaj protestuesve pranë zyrave të Partisë Progresive Serbe, ndërsa protestuesit kundër qeverisë thyen dritaret e ndërtesave.

Policia ndërhyri dhe vendosi roje për të mbrojtur objektin. Ministri i Brendshëm Ivica Daçiq konfirmoi plagosjen e një oficeri dhe kërkoi rikthimin e rendit dhe stabilitetit shoqëror.

Këto incidente ndodhin pas më shumë se nëntë muajsh protestash kundër qeverisë dhe presidentit Vuçiq, të cilat kanë rritur tensionet politike në Serbi.