Kosova

Djali i dëshmorit të kombit humb jetën në aksident trafiku në Gjenevë

E enjte, 23 Gusht 2018 - 13:07 albinfo.ch

Egzon Zuqaku (23-vjeç) nga Vushtrria, i cili tash e sa vite jeton në Gjenevë të Zvicrës, ka humbur jetën tragjikisht në një aksident trafiku.

Këtë e ka bërë të ditur djali i axhës së tij, Bajram Zuqaku përmes një postimi në Facebook, shkruan “Indeksonline”.

“Vëllai im. Djali i dëshmorit të kombit Blerim Zuqaku ka humbur jetën tragjikisht në moshën 23-vjeçare. Egzon Zuqaku kishte aksident në Gjenevë të Zvicrës. Për varrimin e të ndjerit ju njoftojmë me kohë”, ka shkruar Zuqaku, përcjell albinfo.ch.

Kujtojmë se ai ishte djali i dëshmorit të kombit, Blerim Zuqaku, i cili ra heroikisht në maj të vitit 1999.