Doli nga shtypi numri 5 i revistës albinfo.ch

Numri më i ri i revistës Albinfo.ch është në duart tuaja. Si zakonisht, ai mund të gjendet kudo në mjediset ku frymojnë shqiptarët, në Zvicër

Diaspora, lidhje e fuqishme mes Zvicrës  dhe Ballkanit

Gjatë muajve prill dhe maj të këtij viti dy Këshilltarë federalë zviceranë, Simonetta Sommaruga, e ngarkuar e Departamentit federal të Punëve të Brendshme dhe Didier Burkhalter, shef i Departamentit federal të Punëve të Jashtme, njëherësh President i Zvicrës si dhe kryesues i radhës i OSBE-së, vizituan njëri pas tjetrit Kosovën dhe vende të tjera të Ballkanit.

Hapësirat shqiptare të Ballkanit dhe Zvicrën i lidhin shumë gjëra dhe atë falë prezencës së numërt të shqiptarëve apo zvicerano-shqiptarëve. Lidhja e Zvicrës si vend mik i vendeve të

Ballkanit reflektohet konkretisht në mjetet që i ka ndarë si dhe programet prioritare që i ka definuar ky shtet që me vite në favor të zvillimit të qëndrueshëm të vendeve të Ballkanit, duke vërë theks të veçantë në zhvillimin e infrastrukturave, qeverisjes së mirëfilltë, bujqësisë dhe blegtorisë, mbrojtjes së minoriteteve si dhe sendërtimit të demokracisë.

Kjo ndihmë e rikonfirmuar e Zvicrës ndaj vendeve të Ballkanit shpjegohet po ashtu me një faktor çelës, atë të emigracionit të rëndësishëm shqiptar në Zvicër me prejardhje nga Kosova, Maqedonia, Serbia dhe Mali i Zi. Vlen të rikujtohet se diaspora ka një kontribut të pamohueshëm historik në mirëqenien e Zvicrës si dhe veçanërisht në (ri)ndërtimin e hapësirave të Ballkanit.

Është tanimë koha që ky potencial i saj të fuqizohet më tepër, veçanërisht në vendet e prejardhjes. Pikërisht ky numër i revistës së Albinfo.ch e vë theksin te rinia e diasporës si dhe në figura të reja që janë duke u shfaqur dita-ditës në suaza të diasporës shqiptare-zvicerane.

Prandaj është koha që ky resurs të shyrtohet seriozisht nga vendet e prejardhjes. Ndoshta edhe këtu Zvicra mund të ndihmojë më tepër në vetëdijesimin e vendeve të Ballkanit ndaj këtij potenciali si dhe mobilizimit të tij në favor të zhvillimit të tyre të qëndrueshëm.