Dorëzohet në Ambasadë peticioni për Shemsi Nuhiun

Rrethë 13 mijë nënshkrime janë mbledhur në një peticion nga Shoqata e të Shpërngulurve nga Kosova Lindore ”Vatra”

Rrethë 13 mijë nënshkrime të mbledhura në një peticion nga Shoqata e të Shpërngulurve nga Kosova Lindore ”Vatra”, u dorëzuan në Ambasadën e Zvicrës në Prishtinë kundër ekstradimit të Shemsi Nuhiut në Serbi, i cili kërkohet nga drejtësia serbe për krime lufte.

Peticioni përveç se është kundër ekstradimit të Shemsi Nuhiut në Serbi, kërkohet që gjykimi i tij të bëhët në Kosovë.

“Ne dojmë që Shemsi Nuhiu të mos ekstradohet në Serbi, ngase kur akuzohet ai Serbia nuk ka pasur qasje në Kosovë në atë kohë. Gjithashtu nuk kemi besim në gjygjet e Serbisë sepse ai është qytetar i Kosovës, ne dojm që të kthehet në Kosovë dhe të dënohet këtu për vepra që është akuzuar”, tha Sejduallah Kadriu nga Shoqata “Vatra”.

Përmes Ambasadës, këto nënshkrime do t’i dërgohen Konfederatës Zvicerane, gjegjësisht Departamentit Federal të Drejtësisë dhe Policisë.

Shemsi Nuhiu ish pjesëtar i UÇK-së, akuzohet se ka qenë pjesë e të ashtuquajturës “ Grupi i Gjilanit” që dyshohet për krime në Gjilan.

Nuhiu është shtetas i Republikës së Kosovës me prejardhje nga Presheva.