Drejtori i përgjithshëm i BBC-së jep dorëheqjen pas një skandali

Drejtori i përgjithshëm i BBC-së, Tim Davie, dhe drejtuesi i departamentit të lajmeve të transmetuesit publik britanik kanë dhënë dorëheqjen, pas polemikave që shpërthyen për shkak të redaktimit të diskutueshëm të një fjalimi të Donald Trump-it, njoftoi BBC të dielën në mbrëmje.

“Kjo është një ditë e trishtë për BBC-në. Tim ka qenë një drejtor i përgjithshëm i shkëlqyer për pesë vitet e fundit,” deklaroi kryetari i bordit, Samir Shah, duke shtuar se Davie është përballur me “presion të vazhdueshëm (…), gjë që e çoi drejt vendimit për të dhënë dorëheqjen.”