Dua këndon këngën e filmit për James Bond

Disa informata të cilat janë publikuar thonë se këngëtarja shqiptare me famë botërore do të këndoj këngën e filmit të ri mbi agjentin e njohur James Bond

Detajet rreth lajmit se Dua Lipa, do të këndojë këngën për filmin e radhës së agjentit James Bond janë duke u ruajtur në fshehtësi në nivel të shërbimit inteligjent, por një detaj rreth kësaj tashmë është publikuar.

Mundësinë që Lipa të këndojë këngën në franshizën më të gjatë të filmave rreth agjentit britanik 007 e kanë zbuluar anëtarët e bendit Years and Tears në një intervistë për Radio BBC.

Lipa vet në një intervistë për Billboard në maj kishte mohuar këtë lajm por kishte pranuar se do t’i pëlqente shumë kjo ide.

“Do të doja ta bëja, por tash për tash nuk jam duke e incizuar këngën. S’dua të spekuloj” kishte thënë ajo.

Por Mikey Goldsworthy, nga bendi Years and Years ka thënë se nga ekipi i filmit të radhës është kërkuar nga ata që të bëjnë muzikën për këngën derisa Dua do ta këndojë.

Kolegu i tij nga bendit Emre Turkmen tentoi të fshehte këtë por ishte vonë. Më pas Mikey pranoi se ka shkatërruar gjithçka.