Këngëtarja me famë botërore Dua Lipa ka shënuar një tjetër sukses në karrierën e saj muzikore. Kënga “Training Season” ka kaluar shifrën prej një miliard dëgjimesh në Spotify, transmeton albinfo.ch.
Me këtë arritje, “Training Season” bëhet kënga e 15-të e artistes që kalon këtë prag në platformën më të njohur të transmetimit muzikor.
Kënga është pjesë e albumit “Radical Optimism”, të publikuar në vitin 2024, dhe vazhdon të jetë ndër projektet e saj më të dëgjuara.
Ky sukses i shtohet listës së arritjeve ndërkombëtare të Dua Lipës, e cila prej vitesh renditet ndër artistet më të njohura të muzikës pop në skenën botërore./Albinfo.ch
