Dy shqiptarët, tri vjet jetojnë si grekë në Austri

Dy shqiptarë, vëllezër mes vete, që nga viti 2011 kanë jetuar dhe punuar në Austri duke u paraqitur si grekë

Ata kishin marrë një leje pune në zonën Shengen falë dokumenteve të falsifikuara greke. Dy vëllezërit 22 dhe 35 vjeçarë janë zënë dhe arrestuar në qarkun Kirchdof të landit Oberösterreich. Me këtë rast u juanë konfiskuar dokumentet e rrejshme identifikuese.

Zyrtarët i kishin kapur ata me rastin e një kontrollimi të bërë të mërkurën në një lokal. Me atë rast u kishin gjetur atyre dokumente të falsifikuara greke. Siç është konstatuar më tutje më i riu kishte punuar si kamerier në Gjermani dhe në Austri. 

Policët në banesën e tij kanë gjetur dokumentet origjinale shqiptare, shkruan orf.at. 22 vjeçari  kishte shfrytëzuar identitetin e rremë për të marrë një kartelë sigurimi në Gjermani, një kartelë bankomati dhe një E-Card. Edhe vëllai i madh ka shfrytëzuar dokumentet e tij të rreme greke për të punuar si kamerier  dhe ka pasur një kartelë bankomati si dhe dy kartela sigurimi.

Ndaj dy vëllezërve është ngritur kallëzim penal.