Dy të vdekur nga të shtënat me armë zjarri në një lokal në Klinë

Mbrëmjen e së mërkurës, nga të shtënat me armë zjarri kanë mbetur dy të vrarë në një lokal në qendër të Klinës.

Policia ka njoftuar se ka arrestuar një person.

“Në orën 17:17 Policia është njoftuar për të shtëna me armë zjarri në një lokal në sheshin Mujë Rugova, në Klinë. Menjëherë policia dhe emergjenca ka dalë në vendin e ngjarjes. Mjeku kujdestar ka konstatuar vdekjen e një personi ndërkohë që një tjetër, fillimisht është dërguar në qendrën e mjekësisë familjare në Klinë e pastaj në urgjencën e spitalit rajonal të Pejës. Një i dyshuar është arrestuar”, ka thënë Fadil Gashi, zëdhënës i Policisë së Kosovës për rajonin e Pejës.

I plagosuri ka vdekur pas transferimit në spitalin e Pejës.