E majta feston 74-vjetorin e çlirimit të Shqipërisë

Presidenti i Shqipërisë, Ilir Meta, kryeministri Edi Rama, kreu i Kuvendit, Gramoz Ruçi dhe shumë personalitet të Shqipërisë, kryesisht nga partitë e majta, zhvilluan homazhe te Varrezat e Dëshmorëve në kuadër të 74-vjetorit të çlirimit të Shqipërisë.

Ata vendosën kurora me lule pranë monumentit “Nënë Shqipëri”. Në këtë ceremoni ishte i pranishëm dhe kryebashkiaku Erion Veliaj dhe veteranë të luftës. Partia Demokratike nderoi dje kujtimin e rënëve, duke vendosur kurora me lule pranë monumentit “Nënë Shqipëri”, shkruan Albinfo.ch

Të majtët respektojnë 28 nëntorin si Ditën e Pavarësisë dhe 29 nëntorin si Ditën e Çlirimit, ndërkohë që të djathtët i përkujtojnë të dy festat më 28 nëntor.