Edhe këtë fundjavë, kolona të gjata në kufirin Kosovë-Shqipëri

Numër i madh i qytetarëve nga Kosova janë nisur drejt Shqipërisë këtë të premte.

Në orët e hershme të mëngjesit një numër i madh i qytetarëve nga Kosova janë nisur drejt bregdetit shqiptar.

Si rrjedhojë, janë krijuar radhë të gjata në të gjitha korsitë e hyrjeve për në Shqipëri.

Pushuesit kosovarë që po kalojnë ditët e nxehta në bregdetin shqiptar po duhet të presin në radhë në pikën kufitare në Morinë.

Pavarësisht që Kosova dhe Shqipëria gjenden në situatë të vështirë epidemiologjike, për shkak të virusit COVID-19, megjithatë vajtje-ardhjet e qytetarëve të këtyre dy vendeve nuk kanë ndaluar.