Edhe në nëntor, në plazh

Një pranverë e vërtetë në prag të dimrit. Edhe të dielën (dje) nëntori ka ofruar temperatura të larta në bregdet, duke u kthyer në një ftesë të hapur për të shfrytëzuar orët plot diell e jod buzë Detit Adriatik.

Një panoramë plot gjallëri që lë pas çdo krahasim me nëntorët e lagësht të viteve të shkuara.

Të gjitha grupmoshat i gjen në plazh. Më të kënaqur janë prindërit, pasi moti u ka dhënë mundësi fëmijëve për argëtim të shëndetshëm, larg qëndrimit para ekraneve të telefonave dhe internetit dhe pranë natyrës, raporton “TCH”.

Tregtarët ambulantë që vijojnë të lëvizin përgjatë plazhit janë të vetmit e pakënaqur, nga shitjet e munguara, përcjell albinfo.ch.

Por, ankesat e tyre nuk e prishin aspak panoramën e një dite të bukur buzë detit në këtë vjeshtë të vonë.