Edhe një skuadër e njohur, e interesuar për Milot Rashicën

Keystone

Sipas medieve italiane, për sulmuesin shqiptar të Werder Bremenit, Milot Rashica po interesohet seriozisht edhe Napoli.

Në pritje të zgjidhjes së të ardhmes në Championsit, klubi napolitan duhet të zgjidhë edhe problemet e brendshme që nuk kanë të bëjnë me futbollin, çka ka ndikuar në uljen e rendimentit.

Drejtuesit e skuadrës nga Jugu i Italisë kanë nisur të studiojnë alternativat që u ofron afati kalimtar i janarit, përcjell albinfo.ch.

“Corriere dello Sport” shkruan se Milot Rashica, autor i 8 golave në këtë sezon me Werderin në Bundesligë, është objektiv i presidentit De Laurentiis.

Në fakt, drejtori sportiv, Giuntoli, e ndjek lojtarin e datëlindjes 1996 që kur luante me Vitessen në Holandë. Klubi gjerman, në të e vërtetë, nuk dëshiron të privohet nga shërbimet e shqiptarit në gjysmën e sezonit dhe vetë lojtari është shprehur se nuk po mendon për afatin kalimtar:

Jam shumë i qetë, jam i lidhur me kontratë deri në vitin 2022 dhe kemi një skuadër fantastike”, ka thënë Rashica, përcjell albinfo.ch.

Por Napoli nuk “gënjehet” nga deklaratat publike, ndaj ka në plan të ofrojë Amin Younes për të bindur drejtuesit e klubit gjerman për Rashicën. Sigurisht që Napoli duhet të shtojë edhe një shumë parash për yllin e Kosovës, kartoni i të cilit vlerësohet jo më pak se 20 milionë euro. Talenti shqiptar u pëlqen edhe disa skuadrave angleze, ndaj çmimi i tij më të rritet edhe më shumë.