Edhe një viktimë në bregdetin e Durrësit

Është shënuar viktima e radhës në bregdetin shqiptar gjatë këtij sezoni turistik. Policia raporton se sot në mesditë ka humbur jetën një tjetër pushues, rreth 70 vjeç, në Plazhin e Durrësit, përcjell albinfo.ch.

Sipas njoftimit të policisë, i moshuari, banues në Bosnjë, është futur në det për t’u larë, por nuk është ndjerë mirë. Ai është nxjerrë nga pushuesit dhe është nisur menjëherë drejt spitalit, por nuk ka mundur të mbijetojë.

“Më datë 08.07.2019, rreth orës 11:45, në lagjen nr.13, Durrës, shtetasi F.M., rreth 70 vjeç, banues në Bosnjë, është futur në det dhe nuk është ndjerë mirë, ai është nxjerrë nga pushuesit dhe është transportuar në Spitalin Rajonal Durrës, ku ka vdekur, dyshohet arrest kardiak. Grupi Hetimor po punon për zbardhjen e plotë të ngjarjes”.