Ekonomisti austriak, kërkesë BE-së: Hiqjani statusin e vendit kandidat Serbisë

@pixabay

Në një prononcim për media, ekonomisti austriak, Gunther Fehlinger, nuk është lejuar të futet në kufirin serb, përcjell albinfo.ch.

Austriaku ka kërkuar nga BE-ja që t’ia heqë statusin e vendit kandidat Serbisë, pasi s’është lejuar të hyjë në territorin serb.

Fehlinger ka shkruar në Twitter se s’është lejuar të hyjë në Serbi pasi është kritik i politikave proruse të presidentit Aleksander Vuçiq.

“Nëse nuk më lejon të hyj në Serbi, si qytetar austriak dhe qytetar i BE-së, vetëm pse e kritikoj politikën tënde proruse dhe mungesën e vullentit tuaj evropian për paqen, më bën me dije që Serbia nuk është gati për statusin e kandidatit në BE dhe ky status duhet të tërhiqet tani”, ka shkruar Fehlinger.