Skip to content

Ekspertët: Niveli i deteve do të rritet për rreth 30 centimetra

Foto ilustrim (Johnny Chau)

Për shkak të shkrirjes së akullit në Grenlandë, në një të ardhme të afërt do të vijë te rritja globale e nivelit të deteve për afro 30 centimetra, shkruan CNN, përcjell albinfo.ch.

Këto gjetje janë publikuar në revistën Journal Nature Climate Change, që tregojnë se 3.3 për qind e hapësirave të mbuluara me akull në Grenlandë do të shkrihen, që është një ekuivalent me 110 trilionë metër kub akull.

Shkencëtarët kanë paralajmëruar se shkrirja është e pashmangshme edhe nëse bota menjëherë fillon me ndaljen e emetimeve të gazrave, që shkaktojnë efekte të “bahçes së “xhamit” që po ngrohin planetin.

Sipas hulumtimit, humbja totale e akullit nga pllaka e akullt e Grenlandës do të shkaktojë rritjen e nivelit të deteve për të paktën 25 centimetra – pavarësisht skenarëve të mundshëm të ngrohjes globale.