Elvana Gjata ‘mollë sherri’ për vrasjen në Bllok, largohet nga Shqipëria

Këngëtarja e njohur shqiptare nga mediat në Shqipëri, është cilësuar se ka qenë ‘mollë sherri’ për ngjarjen në lagjen e njohur e Tiranës

E cilësuar si ‘mollë sherri’ për vrasjen në Bllok të Tiranës, këngëtarja e njohur shqiptare, Elvana Gjata është larguar nga Shqipëria.

Gazetarja Klodiana Lala deklaroi në ‘Kjo javë’ në ‘News24’ se Gjata ka ikur nga Rinasi drejt një vendi të BE. Ndërkohë ajo tha se nuk dihet se cili do të jetë destinacioni i këngëtares.

“Sipas burimeve që disponoj, këngëtarja Elvana Gjata u largua ditën e djeshme përmes Rinasit, udhëtoi drejt një vendi të BE. Ajo konsiderohet si ‘mollë e sherrit’ e vrasjes në Bllok, por policia nuk po përjashton edhe pistat e tjera. Këngëtarja është larguar jashtë territorit të Shqipërisë. Nuk dihet nëse vendi i BE ka qenë si vend tranzit. Prokuroria do kërkoj një tjetër dëshmi nga ajo, ndërkohë që po shihen të gjitha pistat”, tha Lala, transmeton Lapsi.al.

Kujtojmë se personi i dyshuar për vrasjen e Fabiol Gaxhës dhe plagosjes së Ervis Martinajt dhe Eljon Hatos thuhet se është truproja dhe kushëriri i këngëtares Gjata, njëherësh edhe pjesë e Forcave Komando ushtarake Mevjol Bilo, përcjell albinfo.ch.

Mësohet se Elvana Gjata, i dashuri i saj, Ervin Mata, si dhe Fabian Allushi dhe Mevjol Bilo, (të tre të shpallur në kërkim) kanë qenë të ulur në një tavolinë, ndërsa kanë nisur konfliktin me palën tjetër ku ishte viktima.

---