Ermir Lenjani dy gola brenda 12 minutave

Christian Panucci nuk e grumbulloi për sfidat ndaj Turqisë dhe Andorrës, duke hapur edhe një debat për të ardhmen e Ermir Lenjanit, që sot duket se po tregon vlerat e tij me Sionin, në kampionatin zvicerian.

Futbollisti shqiptarë, që tha se sa të ishte Panucci në stol nuk vinte më te Shqipëria (edhe pse italiani u shkarkua dhe tashmë ajo deklaratë bie poshtë), ka shënuar dy gola fantastikë brenda 12 minutash, në pjesën e parë, teksa Sioni po fiton 2-1 në fushën e Thun.

Janë pesë gola në kampionat për Lenjanin, këtë sezon, që duket se është rikthyer në formën e tij më të mirë.

Nëse ndeshja përfundon me fitore, sigurisht që tashmë Sion mendon për Europa League, që do të ishte hap prej gjiganti, shkruan Telesport, përcjell Albinfo.