Escobar: SHBA mbështet planin franko-gjerman

Shtetet e Bashkuara të Amerikës vazhdojnë të jenë në pritje të një përgjigje nga Qeverisë së Kosovës lidhur me kërkesën e tyre për të shtyrë për 10 muaj afatin për riregjistrmin e veturave të serbëve. Ndaj kësaj kërkese, SHBA ende nuk ka një përgjigje. Këtë e ka bërë të ditur i dërguari amerikan për Ballkanin Perëndimor, Gabriel Escobar në një intervistë për Zërin e Amerikës.

Diplomati amerikan ka folur edhe përplanin franko-gjerman të ciln tha se SHBA e mbështet.

“Kjo është një nismë e Bashkimit Evropian. Ne e mbështesim atë. Ne mbështesim çdo lëvizje në dialogun e lehtësuar nga BE-ja pasi është e rëndësishme për stabilitetin rajonal. Është e rëndësishme për stabilitetin e evropianëve në një kohë kur po përballemi me kriza si ajo në Ukrainë dhe pjesë të tjera të Evropës. Sa i përket detajeve, dua të them se ato po diskutohen brenda kontekstit të dialogut të BE-së, të cilin ndonëse e mbështesim, ne nuk jemi palë në të. Unë besoj që shumë shpejt pasi të kenë pasur diskutime intensive me të dy qeveritë, ne do të fillojmë të angazhojmë publikun për të kuptuar thelbin e propozimit”, tha Escobar, përcjell Albinfo.ch.