Euro është stabile në Maqedoni

Guvernatori i Bankës Popullore në Maqedoni, Dimitar Bogov, ka thënë se Euro është stabile në Maqedoni dhe nuk ka hapësirë për panikë

“Nuk ka hapësirë për panikë dhe ndërrimin masiv të euros në valuta të tjera. Ka raste individuale, por kjo nuk krijon përmasa të mëdha të shqetësimeve”, ka deklaruar guvernatori i BPM-së.

Sipas tij, institucioni që drejton ka simuluar skenare në rast se do të krijohej panikë tek popullata, por tash për tash nuk duhet të ketë shqetësime të kësaj natyre.

Ai ka theksuar se skenare për tronditjen e euros mund të ketë së shpejti, mirëpo në rast se ndodhë kjo, Bogov nënvizoi se të gjitha depozitat në euro do të konvertohen në valuta tjera, sipas zgjedhjes së qytetarëve, raporton INA.

Shoqata e bankierëve në Odën Ekonomike të Maqedonisë, ka apeluar që qytetarët të mos shpejtojnë në vendimet e tyre për ndërrimin e euros në valuta tjera.