“Euronews”, për shpërthimin e bombolës në Ferizaj

Në artikull për rastin e shpërthimit ka shkruar edhe agjencia franceze e lajmeve “Euronews”. Kjo agjencei ka shkruar për shpërthimin e bombolës këtë të martë në qytetin e Ferizajt.

Në artikullin e medias shkruhet se mbi 40 persona kanë mbetur të lënduar si pasojë e shpërthimit në restorantin ”Steak House”.

“Komandanti i Policisë në Ferizaj, Emin Beqiri, ka thënë se 42 persona janë lënduar, duke përfshirë edhe fëmijë. “Të gjithë të plagosurit janë duke marrë trajtimin e nevojshëm”, u tha Beqiri gazetarëve, duke shtuar se shpresonte që të mos ketë të vdekur”.

“Komandanti i stacionit të policisë në Ferizaj, Qazim Reka, tha se shtatë nga të plagosurit janë në gjendje të rëndë, sipas Euronews Albania. Të tjerët thuhet se po marrin trajtim mjekësor në një klinikë urgjence”.

“Kryetari i Ferizajit, Agim Aliu, ka deklaruar se shpërthimi ishte aq i dhunshëm sa që kalimtarët ishin në mesin e të lënduarve, së bashku me klientët në restorant”, thuhet në artikullin e Euronews.