Evakuohet banja Leukerbad: 6 të helmuar nga rrjedhja e gazit

Hidrokloriti i natriumit dezinfektues kishte rrjedhur nga një restorant në bodrum të banjës. Gazi pastaj ishte përhapur në parkun nëntokësor të makinave

Pas rrjedhjes së gazit në banjën “Walliser Alpentherme” në Leukerbad të Kantonit të Valisit, është evakuuar shkurtimisht banja, shkruan 20minuten.ch. Janë lënduar lehtë pesë persona, ndërsa një tjetër është dërguar në spital.

Siç njofton Policia e Kantonit të Valisit, incidenti në Leukerbad ka ndodhur të hënën në orën 8.55 të mëngjesit, transmeton albinfo.ch. Hidrokloriti i natriumit dezinfektues kishte rrjedhur nga një restorant në bodrum të banjës. Gazi pastaj ishte përhapur në parkun nëntokësor të makinave.

Gjashtë persona pësuan lëndime të lehta, njëri prej tyre u dërgua në spital në Visp për kontroll.

Si masë sigurie, banjat termale u evakuuan përkohësisht. Janë mobilizuar brigada zjarrfikëse e bazës Leukerbad dhe ajo e zjarrit kimik Lonza. Sipas policisë, shpërthimi nuk ka paraqitur në asnjë moment rrezik për popullatën.

---