Evropa, në çdo moment më afër luftës, pas 70 vjetëve

Keystone

Evropa është më afër luftës në çdo moment pas 70 vjetëve, ka paralajmëruar një ministër i Qeverisë së Mbretërisë së Bashkuar, ndërsa trupat ruse grumbullohen në kufijtë e Ukrainës dhe udhëheqësit perëndimorë paralajmërojnë se një pushtim mund të ndodhë në fillim të kësaj jave.

Ministri i Forcave të Armatosura, James Heappey, i tha programit të BBC Radio 4 Today se kishte frikë se “ne jemi më afër luftës sesa kemi qenë për 70 vjet në këtë kontinent”.

Udhëheqësit perëndimorë po bëjnë një përpjekje përfundimtare për të negociuar zgjidhje diplomatike, pasi inteligjenca amerikane tha se një sulm mund të jetë i pashmangshëm, shkruan “The Guardian”, përcjell albinfo.ch.