‘Evropa ia shkaktoi vetes krizën energjetike’  

EPA/LARRY W. SMITH

Evropa i ka shkaktuar vetes një krizë energjetike, duke hequr gradualisht prodhimin e energjisë, deklaroi sot kryebashkiaku i qytetit Antwerp në Belgjikë, Bart De Weve.

Bart De Wever, kryebashkiaku i Antwerp dhe kreu i partisë nacionaliste Aleanca e Re Flamane (N-VA), dha një intervistë për kanalin televiziv VRT.

“Kjo, natyrisht, nuk është një krizë që presidenti rus, Vladimir Putin, e ka shkaktuar, por që Evropa ia ka shkaktuar vetes duke hequr gradualisht prodhimin e saj primar të energjisë këtë shekull”, tha ai.

Sipas tij, shfrytëzimi i rezervave të naftës, gazit dhe qymyrit nuk ishte e lejuar, ndërsa vendet si Gjermania dhe Belgjika, e kanë hequr paralelisht prodhimin e energjisë bërthamore.

“Dikur mund të kishim bërë shumë fitime me centralet bërthamore, por tani ato asete janë dhënë”, tha ai, duke iu referuar qeverisë së mëparshme belge që vendosi të mbyllë dy centralet bërthamore.

Sipas De Wever, Evropa tani duhet të përballet me pasojat e zbrazjes së të gjitha burimeve të energjisë, duke e bërë veten të varur nga Putini.

“Në Amerikë, banorët nuk do të përballen me këtë krize”, tha ai, duke shtuar se SHBA-ja ishte bërë një eksportuese e naftës dhe gazit në 20 vjet.

Në të njëjtën kohë, ai vuri në dukje se standardet klimatike të BE-së janë hipokrite, pasi kompanitë evropiane shkojnë në SHBA dhe Kinë për të prodhuar, dhe blloku mbetet i falimentuar duke mos pasur mundësi të ruajë as klimën.

De Wever shprehu gjithashtu kritika për strukturën aktuale të tregut të energjisë të bllokut që tani mundëson fitime fantastike për prodhuesit e energjisë së rinovueshme.