Evropianët duhet të paraqiten për qëndrim në Britani pas Brexit

Rreth 3,5 milionë qytetarë evropianë jetojnë aktualisht në Britaninë e Madhe

Qeveria britanike ka lansuar një aplikacion në telefon, në të cilin shtetasit evropianë me banim në Britaninë e Madhe mund të aplikojnë për të qëndruar në vend pas Brexit.

Rreth 3,5 milionë qytetarë evropianë jetojnë aktualisht në Britaninë e Madhe. Ata do të duhet të aplikojnë për “statusin e rezidentit të përhershëm” për të vijuar për të punuar ose të jenë pjesë e skemës së sigurimeve shoqërore kur vendi do të shkëpusë lidhjet me Bashkimin Evropian, transmeton “ATSH”.

Ministria e Brendshme siguroi se dëshiron ta thjeshtojë procedurën sa më shumë që të jetë e mundur.

Në aplikacionin, i cili ende nuk punon në iPhone, përdoruesit janë lutur të bëjnë një fotografi të pasaportës së tyre biometrike dhe fytyrës për të konfirmuar identitetin e tyre, përcjell albinfo.ch.

Ata më pas do të orientohen drejt një faqe interneti për të dhënë adresën e tyre dhe mund të bien dakord për një verifikim të situatës buxhetore, për të konfirmuar adresën e tyre.

---