Facebook reagon përmes Twitterit pas deaktivizimit

Tim Bennett @timbennettcreative

Shefi i komunikimit në Facebook, Andy Stone, ka reaguar përmes Twitter për rrjetet sociale në pronësi të Facebook që kanë dalë jashtë funksioni prej disa orësh.

”Ne po punojmë për t’i kthyer gjërat në normalitet sa më shpejt që të jetë e mundur dhe kërkojmë falje për çdo shqetësim”, tha ai, pasi WhatsApp, Instagram dhe Facebook Messenger janë të gjitha në pronësi të Facebook, përcjell Klankosova.tv.

Platformat më të klikuara të komunikimit me mesazhe janë bllokuar në gjithë botën.

Në të tri platformat problemi është në rifreskimin e faqes dhe kudo shfaqet mesazhi: “Nuk mund të shohësh përditësimin e faqes”.

Ndërkohë, përdoruesit i janë drejtuar rrjetit social Twitter për të treguar se aplikacionet më të mëdha të komunikimit kanë dalë jashtë funksionit, pasi nuk dërgohen mesazhet.