Fëmijët e riatdhesuar presin të nisin shkollën në shtator

Vitin shkollor 2019/2020 nga e hëna do ta nisin edhe fëmijët e kthyer nga Siria në muajin prill të këtij viti nga autoritetet kosovare.

Ata tashmë janë regjistruar në shkollat, ku do të vijojnë mësimin, njofton Klan Kosova.

Institucionet thonë se fëmijët do të mësojnë ndaras në dy grupe, ata të cilët do të shkojnë në parashkollorë dhe të tjerët nëpër kopshte.

Sipas familjarëve të të rikthyerve, fëmijët janë bërë gati për të nisur shkollën dhe se u janë dhënë të gjitha mjetet shkollore, raporton KK, përcjell Albinfo.ch.

Edhe Fehmie Bytyçi ka treguar për fëmijët e klientes së tij.

“Jam e informuar se i kanë pajisur me çanta shkollore, libra, lapsa”, tha Bytyçi.

Vehbi Mujku, njohës i çështjeve sociale ka thënë se planifikimi për fëmijët dhe shkollimin e tyre nuk është bërë në mënyrën e duhur.

Sipas tij komunikimi mes fëmijëve të rikthyer dhe palës tjetër do mund të jetë njëra nga problematikat.