Filmi, a mund të bëhet ndonjëherë Zvicra një vend me vetëm një gjuhë?

Ideja e re se Zvicra një ditë mund të ketë vetëm një gjuhë kombëtare është eksploruar në një film të ri zviceran – me pasoja tronditëse, por shumë qesharake.

Filmi i ri, i quajtur “Bon Schuur Ticino”, sapo është hapur disa ditë më parë, por tashmë është një hit i madh.

Një referendum për të zgjedhur vetëm një gjuhë kombëtare, në vend të katër gjuhëve aktuale, e zhyt vendin në një gjendje të jashtëzakonshme, kur frëngjishtja bëhet e vetmja gjuhë zyrtare, temë e trajtuar në film.

Kjo do të thotë, vetëm pjesa zvicerane-gjermane dhe italiane janë në gjendje emergjence – frëngjisht folësit janë mjaft të lumtur për rregullin e ri.

Komploti përqendrohet rreth një gjermani zviceran 56-vjeçar, i cili nuk flet asnjë fjalë frëngjisht.

Meqenëse punon për policinë federale, ai dërgohet në Ticino për të çarmatosur një grup rezistence me italishtfolës, i cili po lufton kundër ligjit të ri.

Dy premisat e filmit – shumëgjuhësia dhe referendumet – janë shtylla kurrizore e kulturës dhe demokracisë së Zvicrës.

Deri më sot, askush në Zvicër nuk ka sugjeruar seriozisht eliminimin e tri gjuhëve kombëtare, duke lënë vetëm një, andaj filmi e jep si ide.

Për më shumë detaje – https://www.thelocal.ch/20231214/could-switzerland-ever-become-a-country-with-just-one-language