Finlandë: 24 udhëtarë nga Shkupi rezultojnë pozitivë me koronavirus

(AP Photo/Jessica Hill)

Finlanda do të vendosë testim të detyrueshëm për Covid-19 për udhëtarët që vijnë nga vendet me rrezik të lart, tha ministri për Punë dhe Çështje Familjare, Krista Kiuru, pasi nga 157 pasagjerë që po ktheheshin nga Shkupi, 24 kanë rezultuar pozitivë me koronavirus.

“Aeroporti Turku në Finlandë të shtunën realizoi testim vullnetar për të gjithë udhëtarët që u kthyen nga Shkupi, pasi autoritetet kanë regjistruar raste të reja kohëve të fundit, kryesisht nga Maqedonia e Veriut dhe Rumania”, tha Kiuru, duke shtuar se “epidemia është në Ballkan”.

Karantina prej 14 ditëve do të jetë e detyruar për të gjithë udhëtarët që vijnë nga vendet, ku në dy javët e fundit janë regjistruar së paku 8 raste të reja në 100 mijë banorë, shkruajnë mediat maqedonase, përcjell albinfo.ch.

Mosrespektimi i karantinës do të dënohet me para ose burg deri në tre muaj.

Finlanda ka mbi 7 mijë raste me koronavirus dhe mbi 300 viktima.