Firenze: Shaqja “The Handke Project” e artistëve shqiptarë në “Teatro di Rifredi”

Më kënaqësi ju njoftojmë për shfaqjen “The Handke Project” të dramaturgut Jeton Neziraj, me regji të Blerta Nezirajt, që mbahet më 2 dhe 3 shkurt, në Teatro di Rifredi në Firenze, me fillim nga ora 21:00, shkruan albinfo.ch.

Grupi i artistëve nga vende të ndryshme evropiane, si Kosova, Serbia, Bosnjë e Hercegovina, Italia, Maqedonia e Veriut, Franca, Mali i Zi dhe Gjermania është bashkuar për të ofruar një shfaqje për Peter Handke, një autor fitues i çmimit Nobel, i cili është kritikuar për mbështetjen e tij ndaj kasapit të Ballkanit, Slobodan Millosheviçit. Shfaqja eksploron pyetjen se si arti vlerësohet dhe promovohet, edhe kur bie ndesh me vlerat themelore të dinjitetit dhe etikës njerëzore.

Gjithashtu, më 2 shkurt, nga ora 18:00, në hollin e Teatro di Rifredi, do të organizohet një takim publik me temën “Gjenocidi dhe mohimi: si të ndërtojmë një kujtesë të përgjegjshme” me Jeton Nezirajn, profesorët Micaela Frulli dhe Luca Bravi dhe gazetarin Riccardo Michelucci.