“Fitër Bajrami është festa e jonë”

Bashkësia islame shqiptare (BISH) përcjell mesazh urimi për Bajram

Bashkësia Islame Shqiptare në Zvicër uron besimtarët për festën e Bajramit

“Çdo popull ka festat e tyre, ndërsa Fitër Bajrami është festa jonë” – Hadith i Pejgamberit Muhamed, paqja dhe mëshira mbi të.

„Kemi kënaqësinë që në emër të BISH-ut në Zvicër t’ua urojmë të gjithë besimtarëve të konfesionit islam festën e Fitër Bajramit këtu në Zvicër, në vendlindje, po ashtu në të gjitha anët e botës. Shpresojmë se kjo festë edhe kësaj radhe do të reflektojë në mjediset tona, përkundër shqetësimeve për paqe, harmoni dhe kënaqësi. Prandaj, shpresojmë se do të gjejmë mundësi që edhe në këtë festë ndihma dhe lutjet tona të mos mungojnë për nevojtarët”, thuhet në njoftim të BISH në Zvicër.

„Në fund ju dëshirojmë juve dhe familjeve tuaja të përjetoni një festë të mrekullueshme”, thuhet në njoftimin e Bashkësisë Islame Shqiptare, të nënshkruar nga kryetari Mustafë Memeti.