Flaka Olimpike mbërrin në Muzeun Olimpik, në Lozanë

Një barkë me tetë lundërtarë e ka sjellë flakën e pashueshme në një flakadan nga Gjeneva në Lozanë, në limanin Ouchy të Lozanës, drejtpërdrejt në afërsi të Muzeut Olimpik

Keystone

Flaka olimpike ka arritur sot edhe në Lozanë, qytetin ku është dhe selia e Komitetit Olimpik Ndërkombëtar. Ajo do të qëndrojë gjatë gjithë fundjavës në muzeun olimpik në Lozanë.

Transportimi i flakës nga Gjeneva deri në Lozanë ka sjellë në Zvicër dhe në regjionin e Liqenit të Gjenevës një frymë olimpike. Një barkë me tetë lundërtarë e ka sjellë flakën e pashueshme në një flakadan nga Gjeneva në Lozanë, në limanin Ouchy të Lozanës, drejtpërdrejt në afërsi të Muzeut Olimpik, përcjell albinfo.ch. Para se të vinte, ajo në Gjenevë ishte mbajtur një ceremoni në prani në sekretarit të përgjithshëm të OKB-së Ban Ki-moon.

Për herë të fundit flaka olimpike në Lozanë ka qëndruar me rastin e Lojërave Olimpike të vitit 2004 që janë mbajtur në Athinë.