Flet babai i shoferit që shkaktoi aksidentin në Gjilan

Flet babai i shoferit të kamionit që e shkaktoi aksidentin në Gjilan

Në mesditën e sotme, në qytetin e Gjilanit ka ndodhur një aksident i rëndë trafiku.

Sokol Avdijaj, babai i shoferit që shkaktoi aksidentin e rëndë në Gjilan ka folur rreth kësaj ngjarjeje tragjike që ndodhi në pasditen e sotme atje.

Avdijaj thotë se e kanë përjetuar shumë rëndë si familje.

“Kam dhimbje ma shumë për ta se për djalin temin. Ma kom pas qejf familja jem mu kanë në këtë ngjarje se sa ata, rast shumë i rëndë. Ka pas taksirat, fatkeqësi se ka bë me qëllim, u kanë tu punu për një kafshatë bukë, s’kem pas naj qëllim të keq’’, ka thënë për RTV Dukagjini babai i të arrestuarit, përcjell Albinfo.ch.

Në lidhje ne aksidentin tragjik ka reaguar edhe  kompania e Ujit të Pejës.

Ata kanë thënë se kamioni ka qenē i kontrolluar teknikisht ndërsa nuk ka pasur ndonjë problem duke shtuar se po presin raportin përfundimtar të policisë. 

Kompania ka shprehur ngushëllim për personin e vdekur dhe u ka uruar shërim të shpejtë të lënduarve.