Fluturimi nga Cyrihu për Los Anxhelos u kthye prapa, pamjet tregojnë kullimin e karburantit

(KEYSTONE/Christian Beutler)

Një fluturim zviceran nga Cyrihu në Los Anxhelos u desh të kthehej menjëherë pas nisjes, pasi fillimisht lëshoi karburant në ajër, transmeton albinfo.ch.

Fluturimi LX40 nga Cyrihu për në Los Anxhelos u ngrit siç ishte planifikuar të premten në orën 13:30. Por në vend që të fluturonte drejtpërdrejt në perëndim, Boeing 777-300ER qarkulloi mbi Zvicër, Francë dhe Gjermani për më shumë se 1 orë e gjysmë. Aeroplani më në fund u nis për në aeroport në orën 15:00 dhe ateroi.

Zëdhënësja për media, Meike Fuhlrott ka deklaruar se kishte një problem me një nga gjeneratorët e energjisë në fluturim.

“Për këtë arsye, avioni, një Boeing 777-300ER me 214 pasagjerë, u kthye në Cyrih”, ka thënë ajo për 20mintuen.

Tutje ajo ka njoftuar se ekuipazhi fluturoi një lak për të hedhur karburantin në mënyrë që të zvogëlojë peshën e uljes.

“Ne kemi vendosur tashmë një ekuipazh rezervë dhe një aeroplan zëvendësues për të sjellë pasagjerët në Los Anxhelos sa më shpejt të jetë e mundur”, ka shtuar ajo duke njoftuar se fluturimi zëvendësues është planifikuar të nisej nga Cyrihu sot në orën 17:30.