Franca kapërcen pragun kritik të kujdesit intensiv

Keystone

Franca kaloi sot pragun kritik të 5 000 pacientëve në kujdesin intensiv për COVID-19, sipas shifrave të fundit nga Shëndeti Publik.

“Me 569 pranime të reja në 24 orët e fundit, tashmë ka 5 072 pacientë në pavijonet e kujdesit intensiv, një nivel që nuk është prekur që nga prilli i një viti më parë, në valën e parë të plotë të virusit”, njoftoi autoriteti, raporton Ansa, përcjell Albinfo.ch.

Aktualisht, janë 28 510 persona të shtruar në pavijone të tjera.

Franca regjistroi sot edhe 30 702 raste të reja dhe 337 vdekje në spital nga COVID-19 në 24 orët e fundit.