Franca këmbëngul, nuk pranon hapjen e negociatave për Tiranën e Shkupin

Është bërë e ditur se Franca ka marrë qëndrim negativ për hapjen e negociatave dhe ka kërkuar shtyrjen e hapjes së bisedimeve për anëtarësim në Bashkimin Europian me Shqipërinë dhe Maqedoninë e Veriut në mbledhjen e javës së ardhshme të Këshillit Europian.

Nga ana tjetër, Gjermania ka dhënë një rekomandim pozitiv lidhur me hapjen e negociatave të Shqipërisë dhe Maqedonisë së Veriut me BE-në

Duke qenë se Gjermania dhe Franca kanë qendrime të ndryshme lidhur me hapjen e procesit të negociatave për antarësim mes BE-së, kjo e shqetëson Parisin. Franca do ta bllokojë hapjen e planifikuar të bisedimeve me dy vendet e Ballkanit – Maqedoninë e Veriut dhe Shqipërinë – për antarësimin e tyre në BE. Thuhet se qeveria në Paris i konsideron të pamjaftueshme hapat e ndërmarrë në këto dy vende, u shprehën të premten (11.10) në Bruksel disa diplomatë, përcjell albinfo.ch.