Francë: Infektohen 70 fëmijë nga koronavirusi

Infektimi i tyre ka bërë që të mbyllen shkollat.

Në qytetin verilindor të Roubaix janë mbyllur shtatë shkolla, pasi një fëmijë doli pozitiv me COVID 19, njoftojnë autoritetet franceze.

Familjarët e fëmijëve tjerë që kanë pasur kontakte me të, janë njoftuar menjëherë.

Mësimi në shkollat e Francës nisi javën e kaluar pasi qeveria vendosi lehtësimin e disa masave, shumë njerëz ishin skeptik për këtë vendim të qeverisë duke u frikësuar për shëndetin e fëmijëve të tyre dhe tani atje po mbahet mësim online.

Në një deklarim për mediat franceze, Ministri i Arsimit, Jean Michel Blanquer ka njoftuar se në 40 mijë shkolla janë të infektuar 70 nxënës dhe për parandalimin e përhapjes të më tutjeshme, shkollat në të cilat kanë rezultuar ato raste, janë mbyllur./albinfo.ch/

 

---