Francë: Kosovarët të dytët për azil

Duhet t’i jepet fund shumë shpejt këtij fenomeni, i cili rrezikon liberalizimin e vizave për Kosovën", ka thënë Tieri Repenten, Ministër i Ngarkuar për Çështje Evropiane të Francë

Tieri Repenten, Ministër i Ngarkuar për Çështje Evropiane të Francës, i cili aktualisht ndodhet për një vizitë në Kosovë, ka alarmuar për numrin  madh të azilkërkuesve kosovarë në Francë. Ai, në një intervistë dhënë gazetës “Kosova Sot” ka numëruar arsyet përse nuk ia vlen që të merret rruga e mundimshme dhe me rreziqe për të kërkuar azil në Francë.

“Shumica prej kërkesave për azil kanë motive ekonomike ose shoqërore dhe 97% nga to refuzohen. Fundi i udhëtimit është shpesh kthimi në Kosovë. Situata e punësimit në Francë nuk mundëson ofrimin e punës për këta persona që mendojnë se do të gjejnë punë. Ndryshe neve na mungojnë strehimet për t’i pritur azilkërkuesit e persekutuar për shkaqe politike, siç është për shembull rasti i banorëve të Sirisë.

Duhet t’i jepet fund shumë shpejt këtij fenomeni, i cili rrezikon liberalizimin e vizave për Kosovën”, ka thënë Tieri Repenten, Ministër i Ngarkuar për Çështje Evropiane të Francës.