Gala mbrëmje Taiboksi kundër kancerit

Më 9 korrik për herë të katërt Thaiboksierët nga e gjithë bota do të vijnë në Winterthur, jo për të fituar ndonjë titull, por për të qenë pjesë e një mbrëmjeje bamirësie që e organizon shqiptari me origjinë nga Kosova, Mustafë Kicaj.

Të shtunën, më 9 korrik, nga ora 14 mbahet në Eulachhalle  në Winterthur një gala mbrëmje bamirësie kundër kancerit “ICF – International Charity Fight”. Organizatori është kampioni i shumëfishtë në Taibox, Mustafë «Musti» Kicaj.

Kicaj për herë të katërt është duke luftuar në ring kundër kancerit. Edhe pse edhe Kicaj do të ngjitet këtë herë në ring, ai është i përkushtuar në këte aksion bamirësie kundër kancerit.

Ai me këtë mbrëmje Tai boksi mbledh fonde për të hulumtuar një ilaç të kancerit. Fondet do të dedikohen për Ligën e Kancerit në Kantonin e Cyrihut „Krebsliga”.

“Çdo vit, rreth 10 mijë deri në 15 mijë franga mblidhen për Ligën e Kancerit “, thotë Kicaj.

Më 9 korrik do të zhvillohen 33 meçe në Winterthur, të disa kampionëve të botës. Organizatorët presin rreth 2.500 spektatorë. Nga shkolla „Thaiboxcenters”, “Musti Gym” do të ngjiten në ring shtatë boksierë.

Gala mbrëmja bamirësie mund të ndihmohet edhe me anë të SMS-ve që kushton 10 franga me fjalën “Fight 10”, në numrin 488

Biletat për mbrëmjen e 9 korrikut  tashmë janë në dispozicion në: ticketcorner.ch