Gërvalla: Nëse ndërkombëtarët e tolerojnë Vuçiqin, mund të ketë luftë

Donika Gervalla, FB

Ministrja e Jashtme e Kosovës ka komentuar zhvillimet politike pas sulmit terrorist të 24 shtatorit në veri të Kosovës. Ajo në një intervistë për televizionin publik gjerman tha se nëse bashkësia ndërkombëtare e toleron presidentin e Serbisë, Aleksandar Vuçiq që të ketë qasje të njëjtë, mund të ketë luftë.

“Kjo nuk është hera e parë që Vuçiqi sjell trupat ushtarake në kufi me Kosovën. Kjo nuk është hera e parë që ai kërcënon me luftë. Presidenti serb ka treguar para tetë ditësh se cili është plani i tij dhe plani i tij është okupimi i një pjese të Kosovës. Kjo s’do të ndodhë. Kjo përpjekje ka dështuar dhe si shkak i kësaj një polic yni është vrarë. Dhe, grupi terrorist ka qenë i përgatitur për të kryer një sulm me 400 persona. Dhe, për fat të mirë kjo ka dështuar dhe ne nuk e dimë se cili është plani i tyre për të ardhmen”, tha kryediplomatja Gërvalla.