Gjatë fundjavës mund të finalizohet marrëveshja SHBA-Iran

Foto albinfo: Gjeneruar me IA

Sekretari amerikan i Thesarit, Scott Bessent ka paralajmëruar se marrëveshja SHBA-Iran për ndaljen e luftimeve mund të finalizohet këtë fundjavë.

Në një intervistë për Fox News, ai tha se “ndoshta që këtë fundjavë ose të hënën, do të jemi në anën tjetër të kësaj çështjeje” teksa shtoi se marrëveshja do të rezultojë në çmime më të ulëta të energjisë për amerikanët, duke u shprehur i bindur se koha sfiduese do të kalojë, transmeton albinfo.ch.

Ndryshe, dje Kryeministri i Pakistanit, Shehbaz Sharif, tha se Shtetet e Bashkuara dhe Irani kanë rënë dakord për formulimin e një marrëveshjeje që synon t’i japë fund luftës së tyre në Lindjen e Mesme dhe se ndërmjetësit po punojnë me të dyja palët për të finalizuar marrëveshjen.

Ai shtoi se Pakistani, i cili ka marrë drejtimin në përpjekjet e ndërmjetësimit, po punon me vendet ndërluftuese për hapat e mëtejshëm.