Gjendet e vrarë gazetarja hulumtuese bullgare

Trupi i gruas së re 30-vjeçare, i goditur në kokë dhe i stranguluar, të shtunën është gjetur në një park të qytetit, tha prokurori rajonal.

“Telefoni i saj celular, çelësat e saj të veturës, syzet e saj dhe disa prej rrobave të saj janë zhdukur”, shtoi prokurori, duke shtuar se hetuesit shqyrtuan të gjitha gjurmët që lidhen me jetën e saj personale dhe profesionale, shkruajnë mediat e huaja, përcjell Albinfo.ch.

Viktoria Marinova është përgjegjëse dhe prezantuese e një programi lajmesh në TVN, një kanal televiziv në qytet. Ajo sapo kishte transmetuar më 30 shtator një temë në lidhje me keqpërdorimin e fondeve europiane.

Burimet e policisë i thanë AFP-së se krimi nuk duket se lidhet drejtpërdrejt me profesionin e viktimës, informon Albinfo.ch.

Gjatë 12 muajve të fundit, dy gazetarë investigativë janë vrarë në Europë: Gazetari Jan Kuciak në Sllovaki në shkurt dhe gazetari malteze Daphne Caruana Galizia në tetor 2017, duke shkaktuar një valë të shokut politik dhe mediatik.