Gjermani: Hapet Panairi më i madh i Librit në Botë, Kosova shpalos botimet e saj

Edhe Kosova është e pranishme në Panairin më të madh të librit në Botë. Shoqata e Botuesve e Kosovës do të zhvillojë një mori aktivitetesh kurse me përkrahje modeste në këtë prezantim të Kosovës ka Kontribuar edhe Misioni i Republikë së Kosovës në Frankfurt të Gjermanisë.

Në këtë panair janë mbi 7,300 ekspozues nga e gjithë bota, ndër të cilët, tradicionalisht, i pranishëm është edhe shteti i Kosovës, organizuar e prezantuar nga Shoqata e Botuesve të Kosovës, me ndihmën e Ministrisë së Kulturës, Rinisë dhe Sportit dhe Ambasadës së Kosovës në Berlin.

Kosova është e pranishme me një përfaqësim dinjitoz në sallën 5.0, sallë e botuesve dhe shteteve ndërkombëtare si: Belgjika, Italia, shtetet e Evropës Qendrore, Lindore e Juglindore, Turqia, Holanda, Evropa Veriore, Irani e të tjerë

Botimet më të reja të botuesve kryesorë të Kosovës, si: “Buzuku”, “Koha”, “Faik Konica”, “Pema”, “Artini”, “Dija”, “Damo”, “Meshari”, “Magjia e Librit”, “Lugjet e Verdha”, e të tjerë, si dhe institucioneve si Akademia e Shkencave dhe e Arteve e Kosovës, Instituti Albanologjik, Instituti i Historisë dhe Universiteti i Prishtinës. /albinfo.ch