Gjermania do të japë leje pune për ballkanasit

Qytetarët nga Ballkani në të ardhmen duhet të vijnë më lehtë për të punuar në Gjermani. Ministrja gjermane e Punës, Andrea Nahles, për “Spiegel” tha se kështu dëshiron për të ndalur “ciklin e ardhjes dhe dëbimit të tyre në Gjermani”.

Ministrja gjermane e Punës, Andrea Nahles, dëshiron që për njerëzit nga Ballkani Perëndimor të sigurojë qasje më të lehtë në tregun gjerman të punës.

“Ne duhet të krijojmë një kontigjent të lejeve të punës për qytetarët e gjashtë vendeve të Ballkanit Perëndimor”, tha Nales në një intervistë me “Der Spiegel”, përcjell albinfo.ch.

Gjatë një periudhe prej 5 vjetësh në Gjermani për çdo vit duhet të vijnë 20 mijë punëtorë, pavarësisht nga kualifikimi.
Ata do të punojnë në Gjermani ose do të pranohen për trajnim. “Kjo do të jetë një mundësi për të ndalur ciklin e ardhjes dhe dëbimit”, tha Nales.

Në të njëjtën kohë, Nales ka planifikuar të lehtësojë punësimin edhe të refugjatëve.
Aktualisht azilkërkuesit mund të sigurojnë një vend pune nëse nuk ka kandidat nga Gjermania apo ndonjë vend tjetër i BE-së.

Nales, megjithatë, e përjashton mundësinë e heqjes së plotë të kësaj procedure.

“Ne ende kemi 240 mijë të rinj të papunë dhe një million, të cilët janë një kohë të gjatë pa punë. Ata nuk duhet t’i harrojmë”, thotë ministrja gjermane për “Spiegel”, përcjell albinfo.ch.