Gjermania do të vaksinojë 20 për qind të popullsisë deri në fillim të majit

(KEYSTONE/Alexandra Wey)

Gjermania ka në plan të vaksinojë rreth 20 për qind të popullsisë kundër virusit deri në fillim të majit. Sipas ministrit gjerman të Shëndetësisë, Jens Spann, vendit iu deshën tre muaj që vaksina t’u jepet 10 për qind të popullsisë.

“Ne do të vaksinojmë 10 për qind të tjerë të qytetarëve që mund të marrin vaksinën kundër kovidit nga fundi i prillit ose në fillim të majit”, tha Span.

Kohët e fundit Gjermania ka parë një rritje të numrit të rasteve me virusin Covid. Në 24 orët e fundit janë regjistruar 4,575 raste të reja dhe 37 vdekje. Që nga fillimi i pandemisë, më shumë se 2.9 milionë raste janë raportuar në Gjermani dhe 77,594 njerëz kanë humbur betejën me virusin.